ماما نزلت تشتري طلبات للبيت.. احنا لسه ساكنين في العمارة جديد.. فهي نزلت تجيب حاجات للشقة الجديدة وسبتلي “أنس” اخويا الصغير.. انس عنده خمس سنين.. هو شقي جدا.. فقلت يلا أما العب معاه شوية.. قلت لأنس اني هخبيه جوه الدولاب الصغير اللي ف اوضته.. وانا هطلع بره.. وهفضل اردد اسمه قال يعني ان معرفش مكانه وهفضل ادور عليه لحد ما القيه.. فعلا عملت كده.. انس دخل جوه الدولاب وانا رحلت للصاله وفضلت انادي ( يا انس انت فين؟ انا هلقيك.. انس اطلع) فضلت أردد في الكلام ده.. وادور عليه ف اوضة ماما وبابا.. ولحد ما جيت اوضة انس نديت عليه شوية وانا بضحك.. وبعدها رحت للدولاب فتحته.. انس ملقتوش جوه! قلت عادي يمكن خرج واستخبى ف مكان تاني.. بس دورت ف البيت كله وانس مكانش موجود! انس اخويا اختفى بعد ما كان جوه الدولاب !…
معرفتش اعمل ايه.. انس فص ملح وداب ولا كأنه كان موجود من دقائق جوه الدولاب.. اصل مش معقول يعني الدولاب هيبلع انس.. اتصلت على ماما كتير مكنتش بترد عليا.. وانا كنت خايفه جدا على اخويا.. بعت رساله لبابا على الواتس لانه مكنش بيرد عليا هو كمان.. بعتله وقلتله بابا الحقنى انا مش لاقياه.. انس اختفى جوه الدولاب.. بابا افتكر ان بهزر معاه بس حلفت له اني مش بهزر وانس فعلا مش موجود خالص ف البيت..
بابا قالي انه جاي.. فضلت قاعده ع سرير انس وببص على الدولاب وانا مرعوبه.. لحد ما بابا جه.. حكت له على كل حاجة.. قلت له احنا كنا بنلعب انا وانس استغمايه وخبيته جوه الدولاب.. وفضلت ادور عليه.. ولما فتحت الدولاب ملقتش أنس!
– طب يا بنتي ما دورتش عليه كويس ليه؟
= والله يا بابا دورت في كل حته فى الشقة وملوش أثر!
بابا راح عند الدولاب فتحه وفضل يبص عليه شويه.. كان دولاب أطفال صغير وفاضي.. وباين عليه انه قديم اوي.. احنا جينا البيت لقيناه موجود.. أصل احنا يعتبر واخدين الشقة مفروشه كان فيها سرير ف اوضة انس والدولاب.. وف اوضة ماما سرير ودولاب كبير وتسريحة… بابا كان بيحط ايده ع خشب الدولاب.. بس هو لاحظ ان ف خشبه كأنه وراها ف فراغ.. خبط كام خبطه بايده عشان بعدها يتفتح له مكان مش باين منه حاجة الا الضلمة.. بابا قالي هاتي يا روان الكشاف.. جبتهوله.. نور بيه بس الغريب ان النور مش بينور المكان.. نور الكشاف كان بيبلعو الضلمة! فجأة شفت ايدين طلعت من الفتحة دي وراحت ساحبه بابا جوه الدولاب! صرخت وانا بقول بابا! بابا كمان صرخ! اختفى جوه الفتحه عشان بعدها الدولاب يتسد بخشبة!…
كنت ميته من الرعب.. جسمي كله بيتنفض من الخوف… قعدت ع الأرض وباصه للدولاب وعماله اعيط.. انا شفت ايدين سوده اوي كانت ايدين طفل سحبت بابا لجوه وبعدها اختفت والفتحه اتسدت.. اكيد دي نفس الطريقة اللي انس اتسحب بيها لجوه الدولاب.. ماما جت وشافتني منهارة عماله اعيط واقول كلام كتير هي مش فاهمة منه حاجة!
– ااانس.. الطفل.. ايدين سوده.. بابا.. جوه الدولاب
= انا مش فاهمه حاجه منك.. ف ايه يابت ومال وشك اصفر كده ليه؟ وفين أنس اخوكي؟
شاورتلها لجوه الدولاب وماما برضه مش فاهمه مني حاجة..
– ماله الدولاب ما تنطقي؟
بلعت ريقي وحاولت اهدى عشان احكيلها على اللي حصل.. حكيتلها كل حاجة.. من اول ما لعبنا انا وانس استغمايه ودخول أنس لجوه الدولاب.. وبعدها اختفي.. وبابا لما جه عشان يتسحب هو كمان لجوه الدولاب!
– انتي مجنونه صح؟ دولاب ايه اللي هيسحبو جواه؟
ماما طلعت الموبايل وكلمت بابا.. الغريب ان بابا رد عليها وقالها انه ف الشغل وفعلا انا بعت له رساله بس ما اهتمش بيها وكمل شغله! يعني ايه مش فاهمه حاجة؟ طب انس فين؟ ومين اللي جه وتسحب جوه الدولاب مع أنس؟ انا متأكده انه بابا جه ودور جوه الدولاب وفي أيد سحبته لجوه الدولاب!…
ف اللحظة اللي عماله افكر فيها سمعت صوت جاي من بعيد اوي.. صوت مكنتش سمعاه كويس.. ركزت في الصوت اللي كان جاي من جوه الدولاب.. كان صوت لبابا وهو بيقول ( ماتصدقهوش ده مش أنا) وصوت تاني لانس عمال يعيط وبيستنجد بينا اننا نلحقه من حاجة كان بيقول اسمها ( الطفل المحروق) قلت لماما ع اللي سمعاه وطبعا قالت عليا مجنونه.. بس هي دلوقتي عماله تدور ع أنس هي وبابا اللي المفروض ع حسب الكلام اللي سمعته بصوت بابا اللي جاي من جوه الدولاب.. ان اللي معانا مش بابا!… ماما وبابا نزلوا عشان يبلغوا الشرطة عن اختفاء أنس اخويا.. أنس انا عارفاه هو فين بس محدش عايز يصدقني! واللي مع ماما مش هو بابا!..
ماما نزلت وقعدت انا لوحدي ف الاوضه باصه للدولاب.. لحد ما لقيت الفتحة اتفتحت وطلع منها نفس الايدين السوده! الايدين طلعت لبره الدولاب.. وبعدها جسم كامل طلع.. شفت بعدها طفل صغير ف عمر أنس كان أسود كأنه كان محروق! الطفل ده قرب عليا وقالي ( هما جوه لحد ما اخد حقي)؟! قال الجملة دي عشان بعدها الاقي المشهد اتبدل خالص.. مشهد لطفل في عمر أنس ابوه ماسكه وعمال يضرب فيه بكل قسوة.. وعمال يشتمه ويقوله ( مش كفايه ان امك بلتني بطفل متخلف وسابتلي معاناه هفضل فيها طول حياتي… ياريتك كنت مت معاها)! بعدها لقيت الراجل اللي كان بيضرب الطفل ده مسكه وسحله ع الارض وراح رامي الطفل جوه الدولاب وقفل عليه.. واختفى من المشهد! شوية والاقي نار مسكت ف الاوضة والدولاب كمان اتفحم! كل ركن ف الاوضة بقى فحمه.. وكنت سامعه صوت الطفل جوه بيصرخ!….
يتبع….
الجزء التاني من قصة الدولاب الملعون وانس ..
ماما نزلت وقعدت انا لوحدي ف الاوضه باصه للدولاب.. لحد ما لقيت الفتحة اتفتحت وطلع منها نفس الايدين السوده! الايدين طلعت لبره الدولاب.. وبعدها جسم كامل طلع.. شفت بعدها طفل صغير ف عمر أنس كان أسود كأنه كان محروق! الطفل ده قرب عليا وقالي ( هما جوه لحد ما اخد حقي)؟! قال الجملة دي عشان بعدها الاقي المشهد اتبدل خالص.. مشهد لطفل في عمر أنس ابوه ماسكه وعمال يضرب فيه بكل قسوة.. وعمال يشتمه ويقوله ( مش كفايه ان امك بلتني بطفل متخلف وسابتلي معاناه هفضل فيها طول حياتي… ياريتك كنت موت معاها)! بعدها لقيت الراجل اللي كان بيضرب الطفل ده مسكه وسحله ع الارض وراح رامي الطفل جوه الدولاب وقفل عليه.. واختفى من المشهد! شوية والاقي نار مسكت في الاوضة والدولاب كمان اتفحم! كل ركن في الاوضة بقى فحمه.. وكنت سامعه صوت الطفل جوه بيصرخ!….
المشهد كله اختفي فجاة زي ما ظهر فجاة… لقيت ماما بعدها دخله وكانت لوحدها.. واول ما دخلت فضلت تنادي عليا وتنادي كمان علي انس! ولما شافتني في الآوضة جت لي وقالتلي:
– انت يا بت مش بنادي عليكي.. مبترديش ليه..وفين اخوكي انس علي الله تكوني خلتيه ينزل الشارع!
استغربت من كلام ماما.. هي كانت هنا من ساعه وعارفه أن انس اختفي جوه الدولاب! وفين صحيح بابا أو اللي عامل نفسه أنه بابا! رديت علي ماما وحكت لها على كل حاجة.. من اول ما كنت بلعب استغمايه مع انس ولحد ما انسحب جوه الدولاب.. عشان بعدها اكلم بابا ع الموبايل ومايردش عليا وبعدها ابعت له رساله علي الواتس.. ولما جه دور ع انس في الدولاب وبعدها فتحه تتفتح ف الدولاب عشان بعدها ايدين سوده تسحبه جوه الدولاب! حرفيا امي فضلت تضحك وتقولي ما كل ده من افلام الرعب اللي لحست دماغك.. وتقولي كمان أن بابا ف الشغل وهي لسه راجعه من بره وهي مانزلتش هي وبابا زي ما قالت ! انا مش فاهمه حاجة انا هتجنن!
– ماما أنس والله في خطر وانا مش فاهمه ايه اللي بيحصل.. بس والله أنس جوه الدولاب ومش بكذب عليكم!
ماما ماردتش.. اتصلت ب بابا وحكيت ليه على كل حاجة.. ولما جه قلتله اني بعتله رساله على الواتس لحد ما انسحب جوه الدولاب! بابا قالي أنه موصلش ليه اي رساله مني ! حكيت ليه إن أنس حاجة سحبته لجوه الدولاب.. هو ما صدقنيش .. بس أنس مش موجود عشان كده فتح الدولاب وبدأ يدور .. لحد ما لاحظ أن ف خشبه باين أن وراها فاضي ف بابا خبط جامد عليها عشان تتفتح نفس الفتحة تاني.. ويتعاد نفس المشهد تاني قدام عيني انا وماما! ايدين سوده لطفل تخرج من الفتحة وتروح تسحب بابا ! بابا صرخ وانا وماما فضلنا نصرخ.. ماما راحت ع الدولاب عشان الفتحة تتقفل ! لقيت ماما مخضوضه وباصه جوه الدولاب .. وف اللحظة دي سمعت صوت أنس بيعيط وهو بيقول ( هو اللي بيعمل كده عشان متلاقونيش ! ) أما ماما قالت لي كلام خلاني اترعب اكتر:
– انا شفت انس يا روان! مكنش لواحده ف طفل محروق ماسكه.. ومعاه اطفال كتير.. وباباكي قالي أن الطفل المحروق بيحاول أنه يشتتنا عشان منوصلش لانس ولا لباباكي!
= احنا يا ماما لازم ننزل للبواب يشوفلنا ايه حكاية الشقة دي وحكاية الدولاب الملعون ده!
فعلا نزلنا وحكيناله كل حاجة.. البواب سكت وفضل يتلجلج.. بس احنا فضلنا نزعق فيه ونقوله أن حياة انس وبابا ف خطر. فهنا بدأ يحكي لينا…
الحكاية بدأت من خمس سنين كان في عيلة ساكنه هنا في الشقة اللي انتم ساكنين فيها.. كانت اسره من زوجين وابنهم اللي كان اسمه انس زي اسم ابنكم وكان برضه عنده خمس سنين.. انس ابنهم كان طفل عنده توحد .. مش بيخرج من الشقة.. ومش بيتعامل مع أي طفل.. الأم ماتت بعد شهرين من سكنهم ف الشقة.. كان عندها سرطان.. ومن يوم ما ماتت الأب اللي كان بالنسبة اسمه عصام ع إسم جوزك يا مدام … المهم استاذ عاصم دائما كان بيضرب أنس ومش راضي خالص بأنه يكون مسؤول عن طفل متخلف زي ما كان بيناديه بالمتخلف! فضل الحال شهور ع كده لحد ما في يوم صحينا ع حريقة ف الشقة ولما دخلنا لقينا أوضة انس مولعه وكان هو جوه الدولاب متفحم! ومن يومها الشقة اتقفلت فتره .. لكن صاحب العماره قرر يفتحها تاني ويجددها .. الغريب لما فتح الشقة لقي الدولاب سليم ومفهوش اي اثر من الحريقة اللي صابته!… الشقة اتفتحت وجت عيلة من زوج وزوجه وابنهم اللي كان بالصدفة برضه اسمه انس وعنده خمس سنين! مر اسبوع لحد ما جت مدام ( نعمه ) بتصرخ وتقول إن ابنها انس وجوزها انسحبوا لجوه الدولاب! طفل سحبهم جوه! الست للأسف اتجنت بعدها وانتحرت لما معرفتش ترجع جوزها وابنها أنس!… الشقة اتقفلت تاني فتره لحد ما انتم جيتو تسكنو فيها.. وابنكم برضه اسمه أنس! والمره دي الأب اسمه عاصم! الطفل أنس اللي اتحرق جوه الدولاب بينتقم من أي طفل يسكن الشقة زي ما يكون بيجذب الأطفال اللي ع اسمه وسنه!
سمعنا الحكاية وكنا مصدومين! يعني ايه انس اخويا وبابا ممكن يكون مصيرهم زي اللي قابلهم!
– والحل انت لازم تشوفلنا حل!
= روحو للشيخ فرحات يمكن يكون عنده الحل
اخدنا منه عنوان الشيخ فرحات اللي كان ف منطقة اسمها (…) اللي كانت موجوده ف الجيزة….
يتبع….
يا تري الشيخ فرحات هيقدر ينقذ حياة انس وأبوه ولا مصيرهم هيكون هو نفس مصير اللي قبلهم؟!
الجزء الاخير من قصة #انس_والدولاب_الملعون
الحكاية بدأت من خمس سنين كان في عيلة ساكنه هنا في الشقة اللي انتم ساكنين فيها.. كانت اسره من زوجين وابنهم اللي كان اسمه انس زي اسم ابنكم وكان برضه عنده خمس سنين.. انس ابنهم كان طفل عنده توحد .. مش بيخرج من الشقة.. ومش بيتعامل مع أي طفل.. الأم ماتت بعد شهرين من سكنهم ف الشقة.. كان عندها سرطان.. ومن يوم ما ماتت الأب اللي كان بالمناسبه اسمه عصام على إسم جوزك يا مدام … المهم استاذ عاصم دايما كان بيضرب أنس ومش راضي خالص انه يكون مسؤول عن طفل متخلف زي ما كان بيناديه بالمتخلف! فضل الحال شهور على كده لحد ما في يوم صحينا على حريقة في الشقة ولما دخلنا لقينا أوضة انس مولعه وكان هو جوه الدولاب متفحم! ومن يومها الشقة اتقفلت فتره .. لكن صاحب العماره قرر يفتحها تاني ويجددها .. الغريب لما فتح الشقة لقي الدولاب سليم ومفيهوش اي اثر من الحريقة اللي صابته!… الشقة اتفتحت وجت عيلة من زوج وزوجه وابنهم اللي كان بالصدفة برضه اسمه انس وعنده خمس سنين! مر اسبوع لحد ما جت مدام ( نعمه ) بتصرخ وتقول إن ابنها انس وجوزها انسحبوا لجوه الدولاب! طفل سحبهم جوه! الست للأسف اتجنت بعدها وانتحرت لما معرفتش ترجع جوزها وابنها أنس!… الشقة اتقفلت تاني فتره لحد ما انتم جيتو تسكنو فيها.. وابنكم برضه اسمه أنس! والمره دي الأب اسمه عاصم! الطفل أنس اللي اتحرق جوه الدولاب بينتقم من أي طفل يسكن الشقة زي ما يكون بيجذب الأطفال اللي على اسمه وسنه!
سمعنا الحكاية وكنا مصدومين! يعني ايه انس اخويا وبابا ممكن يكون مصيرهم زي اللي قابلهم!
– والحل انت لازم تشوفلنا حل!
= روحو للشيخ فرحات يمكن يكون عنده الحل
اخدنا منه عنوان الشيخ فرحات اللي كان في منطقة اسمها (…) اللي كانت موجوده في الجيزة…
أول ما اخدنا العنوان من بواب العماره روحنا للشيخ علي طول … كانت قرية في الجيزة .. وصلنا للعنوان .. كان بيت من دورين.. خبطنا على الباب وطلعلنا شيخ بلحية بيضه وسنه تقريبا في الخمسينات .. أول ما فتحلنا قالنا نتفضل ندخل.. دخلنا وقعدنا وعلي طول ماما حكت ليه على كل حاجة حصلت وانا كمان حكيت ليه كل حاجة .. بعدها سكت شوية وقالنا:
– دي روح معلقة بسبب التعذيب اللي كانت بتشوفه في حياتها.. الاب كان بيعامل ابنه بعنف وبيمارس عليه التنمر اللفظي بانه طفل متخلف حسب كلام الاب.. سبب موت الطفل هو الاب .. بطريقة مانعرفهاش.. وده اللي هيخلينا نريح روح الطفل..
اول ما الشيخ قال الكلام ده استاذنا انه هيروح يحضر نفسه عشان يجي معانا.. غاب شوية وبعدها جه وكان معاه شنطة يد ماسكها في ايده .. طلعنا من البيت وركبنا العربية ووصلنا العمارة.. دخلنا الشقة واول ما الشيخ دخل فضل يبص حواليه وكان بيتمتم بكلام مش واضح منه حرف… خرج من الشنطة قطعة زي الطباشير بس كانت كبيره في حجم الحجر وكان لونها احمر.. طلب مننا نشيل السجاده اللي مفروشة في الصالة .. شلناها وبدا يكتب كلام ملخبط مش مفهوم وممزوج بارقام ومربعات.. وفي الكلام اللي كتبه عمل دايره كبيره .. وبعدها راح لاوضة انس.. وقبل ما يدخل .. وعند عتبة الباب رسم خط وكتب عليه كلمة ( ممر ) وكتب كمان حرفين أ و س ! وبعدها دخل للاوضة برجليه اليمين وطلب مننا اننا ندخل برجلينا اليمين لانه قال انتم مش داخلين اوضة دلوقتي انتم داخلين ممر لعالم الارواح المعذبة! دخلناها برجلينا اليمين.. وبعدها عند الدولاب اللي كان مقفول كتب كلمة ( بوابة امنة ) بالطباشير الاحمر وبعدها فضل يقول كلام غريب معرفش ده تعاويذ ولا هي ايه بالضبط! وبعد ما خلص قالي:
– تعالي يا روان؟
روحت ليه وطلع ازازة فيها ماية وقالي وهو بيمد لي ايده:
– اشربي منها
خوفت اشرب بس هو قالي مخفش وان الماية دي هتحميني؟ معرفش هتحميني من ايه بس عرفت بعد ما شربت..
– انتي هتدخلي لعالم الارواح المعذبة لانك انتي الوحيدة اللي كنتي مع انس وقت ما اتسحب لجوة الدولاب! متخافيش انا هكون معاكي ومش هتدخلي لوحدك حد تبعي هيكون معاكي هيحميكي منهم وهيكون المرشد ليكي في عالم الارواح! لازم تلحقي تفكي قيد انس وباباكي قبل ما سيد الارواح ما يظهر! سيد الارواح المعذبه هو نفسه انس الطفل المحروق.. انا عملت تعويذة هتخليه مشتت مش هيعرف يوصلكم من الكائن اللي هيفضل يشتته في حاجات كتير انتي ملكيش دعوة بيها لحد ما تفكي قيدهم!.. اهم حاجة يا روان اي حاجة تسمعيها او تشوفيها اوعي تصدقيها كلها خداع ليكي! ممكن تشوفي امك او ابوكي بيقولولك ارجعي احنا خلاص فكينا قيد انس وبباكي اوعي تصدقيها ده من الارواح المعذبه بيحاولو يوهموكي! انا حذرتك واسمعي كل كلمة هتتقالك من مساعدي اللي هيكون معاكي بس جواكي هتسمعي صوته وهتعرفي تميزيه كويس…
كنت بسمع الكلام ده وكل حته في جسمي بتترعش انا هدخل لعالم معرفش انا هطلع منه سليمه ولا لأ! الشيخ راح للدولاب كتب على بابه كلام وتعاويذ وفتحه وكتب برضه كلام غريب وارقام ورسم زي جمجمة ووسطها نجمة سداسية! ورش جوه الدولاب ماية حمره وفضل يتمتم بكلام مكنتش سمعاه.. بعدها قالي ادخلي.. بصيت لماما اللي مكانتش بتنطق وباصه عليا كانها بتودعني! دخلت.. وبمجرد ما دخلت لقيت نفسي في مكان غريب صحرا واسعه الرملة بتاعتها لونها احمر! والارض دي مفيهاش سما ! كنت سامعه صوت جاي من جوايا بيقولي ( انا معاكي ماتخافيش.. امشي لحد ما هقولك اقفي) مشيت وفضلت ماشيه .. معرفش قد ايه .. بس كل ما امشي بيبدا المكان يتغير حواليا.. بدل من الصحرا ظهر بيوت كتير شكلها غريب.. بيوت معرفش مبنيه من ايه بس كل بيت مرسوم عليه جمجمة ونجمة سداسية وتحتها بالاحمر مكتوب سيد عالم الارواح المعذبة.. كان بيخرج اشكال غريبة ومخيفة جدا من البيوت دي! مهما اوصف قد ايه شكلها مخيف مش هعرف اوصف! الصوت رجع وقالي ( اقفي ومتبصيش عليهم طول ما انتي مش باصه عليهم هما مش هايشوفوكي) وقفت ومبصتش عليهم زي ما الصوت قالي.. وقفت شوية وكل البيوت اختفت ومبقاش غير بيت واحد .. الصوت هنا ظهر وقالي ( دلوقتي اجري قبل ما سيد الارواح يظهر.. هتلاقي اخوكي جوه هو وباباكي.. فكي قيدهم بسرعة ولازم تخرجي قبل ما الباب يتقفل ! طلعت اجري .. وانا بجري لقيت بابا في وشي ! كان بيقولي( بسرعة يا روان تعالي معايا خلاص انا انقذت انس! ) ف اللحظة دي الصوت قالي ( كملي ماتصدقيهوش ده بيكذب عليكي ) كملت فعلا وجريت لحد ما دخلت جوه البيت.. لقيت انس مرمي هو وبابا على الارض ومتقيدين بسلاسل! مكانوش بينطقوا .. الصوت اتكلم وقالي بسرعة فكي القيد .. فكيت قيد انس .. ورحت لبابا وبدات افك القيد.. الصوت رجع وقالي ( الباب هيتقفل حالا! الحقي خدي انس واجري مش هتلحقي تفكي قيد باباكي! ) بس انا قلت مش هسيبه لازم ارجع بابويا وانس! الصوت زعق وقالي ( اخرجي حالا هنتحبس هنا ) اخدت انس .. شلته وجريت وسبت بابا لان مكنش قدامي غير كده والا هفضل هنا طول عمري! خرجت من الباب قبل ما يتقفل واترميت ع الارض انا وانس عشان القي نفسي ف الاوضة والباب اللي خرجت منه هو باب الدولاب!..
انقذت انس بس بابا فضل جوه!..
بابا هيفضل جوه طول عمره.. بشوفه كل يوم وبيانبني اني مانقذتوش ! مكنش قدامي غير ان الحق انس بدل ما افقدهم الاتنين!…
انت لو مكاني تنقذ واحد ولا تفقدهم الاتنين؟
تمت
محمد_مهني
الدولاب_الملعون_انس
